కువైట్ సిటీ:కోవిడ్ కు విరుగుడుగా ఫైజర్-బయోఎన్టెక్ వ్యాక్సిన్ ను అత్యవసరంగా వినియోగించేందుకు కువైట్ ఆరోగ్య శాఖ అధికారాలు ఇచ్చింది. వ్యాక్సిన్ వినియోగం ఎంతవరకు సురక్షితం, దాని నాణ్యతను సమగ్రంగా సమీక్షించిన తరువాతే ఆమోదం తెలిపినట్లు వివరించింది. అదే సమయంలో క్లినికల్ ట్రయల్స్ ఫలితాలను కూడా నిశితంగా పరిశీలించామని ఆరోగ్య శాఖ జాయింట్ కమిటీ భరోసా ఇచ్చింది. ప్రజల ఆరోగ్య భద్రత తమకు ముఖ్యమని...అందుకే ఫైజర్ వ్యాక్సిన్ వినియోగానికి అత్యవసరంగా ఆమోదం తెలిపినట్లు..అదే సమయంలో వ్యాక్సిన్ కారణంగా ఎలాంటి దుష్ఫ్రభావాలు లేకుండా తగిన జాగ్రత్త ప్రమాణాలు పాటిస్తున్నట్లు వివరించింది. 

--దివాకర్(మాగల్ఫ్ ప్రతినిధి,కువైట్)