సింహా, లెజెండ్ వంటి బ్లాక్ బస్టర్ చిత్రాల తర్వాత బాలకృష్ణ- బోయపాటి శీను కాంబోలో ఓ చిత్రం రూపొందుతున్న సంగతి తెలిసిందే. బీబీ3 అనే టైటిల్‌తో ప్రచారం జరుపుకుంటున్న ఈ సినిమాలో బాలయ్య అఘోరాగ కనిపిస్తాడని ప్రచారం జరుగుతుంది. ఈ చిత్రానికి మోనార్క్ అనే టైటిల్ పరిశీలిస్తున్నట్టు కొన్నాళ్లుగా వార్తలు వస్తున్నాయి. తాజా సమాచారం ప్రకారం ఈ మూవీకి గాడ్ ఫాదర్ అనే టైటిల్ ఫిక్స్ చేసినట్టు తెలుస్తుంది.

బాలయ్య ఇమేజ్‌కు, కథకు గాడ్ ఫాదర్ అనే టైటిల్ అయితేనే సరిగ్గా సరిపోతుందని భావించిన మేకర్స్ ఈ నిర్ణయానికి వచ్చినట్టు తెలుస్తుంది. దీనికి సంబంధించి అధికారిక ప్రకటన మరి కొద్ది రోజులలో రానుంది. రవీందర్ రెడ్డి నిర్మాణంలో ద్వారకా క్రియేషన్స్ పతాకంపై తెరకెక్కుతున్న ఈ చిత్రానికి తమన్ సంగీతం అందిస్తున్నారు. ఇప్పటి వరకు చిత్రానికి సంబంధించి విడుదలైన పోస్టర్స్, వీడియోలు ప్రేక్షకులని ఎంతగానో ఆకట్టుకున్నాయి. మే 28న ఈ సినిమా విడుదల కానుంది.