ఒమన్:తమ దేశానికి చేరుకున్న విమాన ప్రయాణికుల వ్యక్తిగత లగేజ్, బహుమతి వస్తులను వ్యాట్ నుంచి మినహాయిస్తున్నట్లు ఒమన్ ప్రభుత్వం ప్రకటించింది. వాల్యూ యాడెడ్ టాక్స్-వ్యాట్ చట్టం మేరకు ఈ మినహాయింపులు ప్రకటించినట్లు స్పష్టం చేసింది. అయితే..వ్యాట్ నుంచి మినహాయింపు పొందెందుకు కొన్ని నిబంధనలకు లోబడి ఉండాల్సి ఉంటుంది. ప్రయాణికులు తమ వెంట తెచ్చుకున్న లగేజ్ తో పాటు బహుమతులు పూర్తిగా వారి వ్యక్తిగతం అయి ఉండాలి. వారి వ్యక్తిగత అవసరాలకు మాత్రమే వినియోగించాలి. అంటే బహుమతుల పేరుతో వస్తువులను వాణిజ్యానికి వినియోగించకూడదు. అలాగే పదే పదే ప్రయాణించే వారికి, వాణిజ్య అవసరాల కోసం వస్తువులు తీసుకొచ్చేవారికి ఈ మినహాయింపు ఉండదు. బహుమతిగా తీసుకొచ్చే ఒక్కో వస్తువు విలువ 300 రియాల్స్ కి మించి ఉండకూడదు. 300 రియాల్స్ దాటితే ఆ వస్తువుపై వ్యాట్ విధిస్తారు. 400లోపు సిగరేట్లకు ఎలాంటి పన్ను ఉండదు.