హైదరాబాద్‌ వైభోగాన్ని గగన తలం నుంచి వీక్షించేందుకు హెలీ టూరిజం అందుబాటులోకి వచ్చింది. మంగళవారం నెక్లెస్‌రోడ్డులో తెలంగాణ పర్యాటక సంస్థ, ఇండివెల్‌ ఏవియేషన్‌ సంస్థ సంయుక్తంగా ఏర్పాటుచేసిన హెలీ టూరిజం సేవలను మంత్రి కేటీఆర్‌ ప్రారంభించారు. ఈ సందర్భంగా మాట్లాడుతూ ఉదయం 9 నుంచి సాయంత్రం 4.30 గంటల వరకు హెలీ టూరిజం సేవలు అందించనున్నట్లు తెలిపారు. కార్యక్రమంలో రాష్ట్ర పర్యాటక శాఖ మంత్రి చందూలాల్‌, టూరిజం కార్పొరేషన్‌ చైర్మన్‌ పేర్వారం రాములు పాల్గొన్నారు