యూఏఈ: ప్రైవేట్ స్కూళ్ల‌కు ఇప్పుడున్న సెల‌వుల‌కు అద‌నంగా మ‌రో ఐదు రోజులు ఎక్కువ సెలవులు తీసుకునేందుకు షార్జా ప్రైవేట్ ఎడ్యూకేష‌న్ అథారిటీ అనుమ‌తించింది. షార్జా ప‌రిధిలో  ఆసియా సిల‌బ‌స్ తో పాటు విదేశీ సిల‌బ‌స్ తో బోధ‌న నిర్వ‌హిస్తున్న అన్ని ప్రైవేట్ స్కూళ్ల‌కు ఈ వెసులుబాటు వ‌ర్తించ‌నుంది. సాధార‌ణంగా ప్రైవేట్ స్కూళ్లు విద్యాసంవ‌త్స‌రంలో 182 రోజుల కంటే ఎక్కువ రోజులు ప‌ని చేయాల‌న్నా..అద‌న‌పు సెల‌వులు తీసుకోవాల‌న్నా ఎస్‌పీఈఏ అనుమ‌తి తీసుకోవాల్సి ఉంటుంది. ఇదిలాఉంటే..ప్రైవేట్ స్కూళ్ల‌కు ఈ విద్యాసంవ‌త్స‌రంలో వేస‌వి సెల‌వులు జులై 1 నుంచి ప్రారంభం కానున్నాయి.