ఒమన్: ఒమన్ లో క‌రోనా మ‌హ‌మ్మారి ఉధృతి అంత‌కంత‌కూ పెరుగుతోంది. గ‌డిచిన 24 గంట‌ల్లోనే కోవిడ్ కార‌ణంగా 14 మంది మృతి చెందారు.గ‌తేడాది అక్టోబ‌ర్ 27 త‌ర్వాత ఇంత ఎక్కువ సంఖ్య‌ల మర‌ణాలు న‌మోదు చేసుకోవ‌టం ఇదే తొలిసారి.ఇదిలాఉంటే గ‌త 24 గంట‌ల్లో సుల్తానేట్ ప‌రిధిలో 1,035 మంది కోవిడ్ బారిన ప‌డ్డార‌ని, వైర‌స్ కార‌ణంగా 103 మంది ఆస్ప‌త్రిలో చేరిన‌ట్లు ఆరోగ్యశాఖ వెల్ల‌డించింది. 267 మంది ఐసీయూలో చేరార‌ని, దీంతో ఐసీయూలో చికిత్స పొందుతున్న వారి సంఖ్య 786కు పెరిగింద‌ని వివరించింది. మ‌హ‌మ్మారి వ్యాప్తి చెందిన నాటి నుంచి ఇప్ప‌టివ‌ర‌కు ఐసీయూలో ఇంత పెద్ద సంఖ్య‌లో చేర‌టం ఇదే తొలిసారి.