కువైట్ సిటీ: కోవిడ్ వ్యాప్తి నియంత్ర‌ణ‌కు పాక్షిక ఆంక్ష‌లు విధించిన కువైట్ ప్ర‌భుత్వం...ప్ర‌జ‌లు మాన‌సిక ఒత్తిడికి గురికాకుండా నివాస ప్రాంగ‌ణాల్లో వాకింగ్ కు అనుమ‌తించిన విష‌యం తెలిసిందే. రాత్రి 7 గంట‌ల నుంచి 10 గంట‌ల వ‌ర‌కు మూడు గంట‌ల పాటు  వాకింగ్ కు ప‌ర్మిష‌న్ ఉండ‌టంతో ర‌మదాన్ తొలి రోజున చాలా మంది ప్ర‌జ‌లు త‌మ నివాస ప్రాంగ‌ణాల్లో స‌ర‌ద‌గా న‌డుస్తూ క‌నిపించారు. ప్ర‌తి ఒక్క‌రు కోవిడ్ నిబంధ‌న‌లు పాటిస్తూనే కుటుంబ స‌భ్యుల‌తో క‌లిసి వాకింగ్ చేశారు.  బ్రేక్ ఫాస్ట్ త‌ర్వాత చ‌ల్ల‌టి వాతావ‌ర‌ణంలో న‌డుస్తుండ‌టం మంచి అనుభూతినిస్తోందని...రాత్రి వేళ వాకింగ్ కు అనుమ‌తి ఇచ్చిన మంత్రివ‌ర్గ నిర్ణ‌యాన్ని ప్ర‌శంసించారు.