యూఈఏ-బహ్రెయిన్ మధ్య ప్రయాణించే వారు ఇక ఆయా దేశాలకు వెళ్లినప్పుడు క్వారంటైన్ లో ఉండాల్సిన అవసరం ఉండదు. ప్రయాణికుల కోసం క్వారంటైన్ ఫ్రీ కారిడార్ ను ఏర్పాటు చేస్తూ ఈ రెండు దేశాలు పరస్పర అవగాహనకు ఆమోదం తెలిపాయి. ఈద్ అల్ ఫితర్ తొలి రోజు నుంచే క్వారంటైన్ ఫ్రీ కారిడార్ నిబంధనలు అమలులోకి రానున్నాయి. అయితే..ప్రయాణికులు అందరికీ ఈ వెసులుబాటు ఉండదు. వ్యాక్సిన్ రెండు డోసులు తీసుకున్న వారు మాత్రమే ఆయా దేశాల మధ్య ప్రయాణించినప్పుడు క్వారంటైన్ నుంచి మినహాయింపు పొందవచ్చు. ఇందుకోసం వ్యాక్సిన్ రెండు డోసులు తీసుకున్నట్లు సర్టిఫికేషన్ లేదా అల్ హోస్న్ యాప్ లో రెండు డోసుల సర్టిఫికేషన్ చూపించాల్సి ఉంటుంది.