వేసవి కారణంగా ఒమాన్ రాజధాని మస్కట్‌లో నీటి సమస్యలు తీవ్రతరం కాబోతున్నాయి. మే మొదటి వారం నుంచే తీవ్రమైన నీటి సమస్య రానున్న మూడు నెలల్లో ఇంకా తీవ్రంగా ఉండబోతోందని అంచనా వేస్తున్నారు. పవిత్ర రమదాన్ మాసంలో కూడా మస్కట్‌ వాసులకు నీటి కష్టాలు తప్పకపోవచ్చు. ఉదయాన్నే లేచి, నీటి కోసం పరుగులు తీస్తున్న మస్కట్‌ వాసులు, ట్యాంకర్ల వద్ద పడిగాపులు కాయాల్సి వస్తోంది. దీంతో నీటికి డిమాండ్‌ పెరిగి, ఒక్కసారిగా నీళ్ళ ధరలూ అమాంతంగా పెరిగిపోయాయి. ఆన్‌లైన్‌లో నీటి బుకింగ్‌లకు తోడు, ఆఫ్‌ లైన్‌లో నీటి ట్యాంకర్లు క్షణం తీరిక లేకుండా పనిచేస్తున్నాయి. నీటి సమస్యలతో ఇంటికి బంధువుల్ని పిలవడానికీ మస్కట్‌ వాసులు ఇబ్బంది పడుతున్నారు. ప్రస్తుత సమస్యతోనే సతమతమవుతున్న మస్కట్‌ వాసులు, మూడు నెలలపాటు సమస్యను ఎదుర్కోవాల్సి ఉండటంపై తీవ్ర ఆందోళన వ్యక్తం చేస్తున్నారు.
 

--నూనె లెనిన్ కుమార్(ఒమాన్)