హైదరాబాద్ గచ్చిబౌలిలోని ప్రముఖ ప్రభుత్వ రంగ సంస్థ భారత్ డైనమిక్స్ లిమిటెడ్(BDL) నిరుద్యోగులకు శుభవార్త చెప్పింది. పలు ఉద్యోగాలను భర్తీ చేయనున్నట్లు తెలిపింది. ఈ మేరకు సంస్థ నుంచి తాజాగా నోటిఫికేషన్ విడుదలైంది. అర్హత, ఆసక్తి కలిగిన అభ్యర్థులు ఆన్లైన్లో అప్లై చేసుకోవాల్సి ఉంటుంది. ఈ ఉద్యోగాలకు దరఖాస్తుల ప్రక్రియ జులై 4న ప్రారంభం కానుండగా.. దరఖాస్తుకు ఆఖరి తేదీగా జులై 19ని నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా దరఖాస్తు చేసుకోవాలని నోటిఫికేషన్లో స్పష్టం చేశారు.

మొత్తం 46 ఖాళీలను ఈ నోటిఫికేషన్ ద్వారా భర్తీ చేస్తున్నారు. ఇందులో జనరల్ మేనేజర్(HR)-1, డిప్యూటీ జనరల్ మేనేజర్ (న్యూ ప్రాజెక్ట్స్)-3, మెడికల్ ఆఫీసర్ - 2, అసిస్టెంట్ మేనేజర్(సేఫ్టీ) - 3, MT(మెకానికల్)-9, MT(ఎలక్ట్రికల్)-3, MT(సివిల్)-3, MT(కంప్యూటర్ సైన్స్) -2, MT (Optics) - 1, MT (బిజినెస్ డెవెలప్మెంట్) - 1, MT(HR) విభాగంలో 3 ఖాళీలు ఉన్నాయి. వేర్వేరు పోస్టులకు వేర్వేరు విద్యార్హతలు నిర్వహించారు. ఆ వివరాలను నోటిఫికేషన్లో చూడొచ్చు.

-అభ్యర్థులు అప్లై చేసే సమయంలో రూ. 500లను పరీక్ష ఫీజుగా చెల్లించాల్సి ఉంటుంది, అభ్యర్థులు డెబిట్ కార్డు, క్రెడిట్ కార్డ్, నెట్ బ్యాంకింగ్, యూపీఐ ద్వారా ఫీజు చెల్లించాల్సి ఉంటుంది. ఎస్సీ, ఎస్టీ, PwD, అంతర్గత ఉద్యోగులకు ఫీజు చెల్లింపులో మినహాయింపు ఇచ్చారు. ఇంటర్వ్యూ ద్వారా అభ్యర్థులను ఎంపిక చేయనున్నారు. పూర్తి వివరాలను నోటిఫికేషన్లో చూడొచ్చు.