మనామా: బహ్రెయిన్ కింగ్‌డమ్‌లోని పలు వీధుల్లో సైకిళ్ళు అలాగే ఇ-బైక్ రైడర్ల కోసం ప్రత్యేక లేన్లు నిర్మించేందుకు ప్రణాళికలు రచిస్తున్నారు. మునిసిపల్ ఎఫైర్స్ అండర్ సెక్రెటరీ షేక్ మొహమ్మద్ బిన్ అహ్మద్ అల్ ఖలీఫా అలాగే ల్యాండ్ ట్రాన్స్‌పోర్టేషన్ మరియు పోస్ట్ అండర్ సెక్రెటరీ సమి అబ్దుల్లా అహ్మద్ బుహాజా మధ్య ఇటీవల జరిగిన చర్చల నేపథ్యంలో పై ప్రతిపాదన తెరపైకొచ్చినట్లు సంబంధిత అధికారులు వివరించారు. సైక్లింగ్ కోసమే ట్రాక్ ప్రత్యేకంగా మార్క్ చేయబడి వుంటుంది. ఈ దిశగా ఆయా సంస్థలతో ఒప్పందాలు కుదుర్చుకోనున్నారు. పర్యావరణ కాలుష్యాన్ని తగ్గించడంలో సైకిల్స్ అలాగే ఇ-బైక్స్ ఉపయోగపడ్తాయని అధికారులు చెబుతున్నారు.