కావలసిన పదార్థాలు: గోధుమరవ్వ - 200గ్రాములు, పొట్టు పెసరపప్పు - 50 గ్రాములు, నెయ్యి - వంద గ్రాములు, జీడిపప్పు - 50 గ్రాములు, మెదిపిన మిరియాలు - అర టీ స్పూను, అల్లం ముక్కలు - అర టీ స్పూను, ఉప్పురుచికి తగినంత, జీలకర్ర - అర టీ స్పూను.

తయారుచేసే విధానం: వేగించిన పెసరపప్పుని, గోధుమరవ్వని విడివిడిగా తగుమోతాదు నీళ్లలో మరీ మెత్తగా కాకుండా ఉడకబెట్టుకుని పక్కనుంచుకోవాలి. దళసరి అడుగున్న పాత్రను స్టౌవ్‌పైన పెట్టి, నెయ్యిలో జీడిపప్పు, అల్లం ముక్కలు, మిరియాలు, జీలకర్ర వేయాలి. ఇవన్నీ వేగాక ఉడికించి ఉంచిన పెసరపప్పుని, గోధుమరవ్వని వేసి సన్నని సెగపైన కొద్ది సేపు అడుగంటకుండా తిప్పి దింపేయాలి. దీన్ని వేడివేడిగా తింటే చాలా బాగుంటుంది.