రియాద్: డొమెస్టిక్ విమానాల్లో పూర్తి సామర్ధ్యంతో ప్రయాణికుల్ని అనుమతించేందుకు జనరల్ అధారిటీ ఆఫ్ సివిల్ ఏవియేషన్ (జిఏసిఏ) నిర్ణయం తీసుకుంది. పలు జాతీయ విమానయాన సంస్థల అభ్యర్ధన మేరకు మినిస్ర్టీ ఆఫ్ హెల్త్ సహకారంతో ఈ నిర్ణయాన్ని సెప్టెంబరు 1 నుండి అమలు చేయనున్నారు. కోవిడ్ 19 నేపథ్యంలో విమానయాన రంగం సంక్షోభాన్ని ఎదుర్కొంటోంది. ఇదిలా ఉంటే, రెండు డోసుల వ్యాక్సిన్ పూర్తి చేసుకున్న ప్రయాణికుల్ని మాత్రమే పూర్తి సీటింగ్ సామర్ధ్యం గల విమానాల్లోకి అనుమతిస్తారు. కాగా, పూర్తి వ్యాక్సినేషన్ విషయమై 12 ఏళ్ల లోపు చిన్నారులకు వెసులుబాటు కల్పించారు. ఫేస్ మాస్కులు ధరించడం, తరచూ చేతుల్ని శుభ్రం చేసుకోవడం వంటి జాగ్రత్తలు పాఠించాలి.