మనామా: వర్క్ పర్మిట్‌ను మరో ఎంప్లాయర్‌కు ట్రాన్స్‌ఫర్ చేసుకునేందుకు మెడికల్ రిపోర్టు అవసరం కాగా, దాన్ని ఫేక్ చేసిన 37 ఏళ్ల ఆసియా వ్యక్తిపై అభియోగాలు మోపబడ్డాయి. కోర్టు ఫైల్స్ ప్రకారం, నిందితుడు తన ట్రాన్స్‌ఫర్ ప్రక్రియను దాదాపు పూర్తి చేసుకున్నట్లు తెలుస్తోంది. చివరి నిమిషంలో మెడికల్ సర్టిఫికెట్ విషయమై చిన్నపాటి అయోమయం నెలకొంది. హెపటైటిస్ ఉన్నట్లుగా రిపోర్టు వచ్చింది. ఇంకోసారి పరీక్ష చేయాలని డాక్టర్ సూచించగా, తనకు బదులుగా తనలాగానే ఉన్న తన స్నేహితున్ని టెస్టు కోసం పంపించాడు. అక్కడ టెస్ట్ ఫలితం నిందితుడు కోరుకున్నట్లుగా వచ్చింది.  అయితే, రిపోర్టు తీసుకోవడానికి నిందితుడు వెళ్లగా, డాక్టర్లకు అతనిపై అనుమానం వచ్చి పరీక్ష చేయాలనుకున్నారు. అయితే, నిందితుడు తన స్నేహితున్ని ఆసుపత్రికి తీసుకొచ్చేందుకు బయటికి వెళ్లిపోయాడు. తిరిగి వచ్చేటప్పటికి పోలీసులు అక్కడ నిందితుడి స్నేహితుడ్ని అరెస్టు చేశారు. నిందితుడితో పాటు, అతని స్నేహితుడిపైనా పోలీసులు కేసు నమోదు చేశారు.