ఖతార్: మినిస్ట్రీ ఆఫ్ ఇంటీరియర్ వెల్లడించిన వివరాల ప్రకారం, ఫ్యామిలీ విజిట్ వీసా కోరుకునేవారు వారు ఎంత కాలం వుంటారన్నదానికి అనుగుణంగా హెల్త్ ఇన్స్యూరెన్స్ తీసుకోవడంతోపాటుగా, రిటర్న్ టిక్కెట్ కలిగి వుంటేనే, వారికి అప్రూవల్ లభిస్తుందని తెలుస్తోంది. జనరల్ డైరెక్టరేట్ ఆఫ్ పాస్‌పోర్ట్స్ - మినిస్ట్రీ ఆఫ్ ఇంటరీయర్ తరఫున లెఫ్టినెంట్ కల్నల్ తారిక్ ఇస్సా అకీది ఈ విషయాన్ని ఓ వెబినార్ సందర్భంగా వెల్లడించారు. సరైన రీతిలో నిబంధనలు పాటించని పలు విజిట్ వీసా అప్లికేషన్లను తిరస్కరించినట్లు చెప్పారు. కాగా, ఈ వెబినార్ కార్యక్రమానికి 300 మంది వరకు హాజరయ్యారు. హెచ్ఆర్, ఫైనాన్స్, సేఫ్టీ, సెక్యూరిటీ, పబ్లిక్ మరియు ప్రైవేటు సంస్థలు, స్కూళ్ళు.. వివిధ రంగాలకు చెందినవారు హాజరయ్యారు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)