సౌదీ అరేబియా: సెక్యూరిటీ అథారిటీస్, ఓ వస్త్ర దుకాణాన్ని రియాద్‌లో మూసివేయడం జరిగింది. సదరు దుకాణం నుంచి 300కి పైగా బ్యాడ్జీలు, గుర్తులను సీజ్ చేశారు. 100 మిలిటరీ యూనిఫాంలు కూడా స్వాధీనం చేసుకోవడం జరిగింది. ఈ సందర్భంగా ఇద్దరు గుర్తు తెలియని వ్యక్తుల్ని అరెస్ట్ చేశారు. సౌదీ మినిస్ట్రీ ఆఫ్ నేషనల్ గార్డ్, కామర్స్ మినిస్ట్రీ, స్టేట్ సెక్యూరిటీ ప్రెసిడెన్సీ, రియాద్ మునిసిపాలిటీ, రియాద్ లేబర్ బ్యూరో సంయుక్తంగా ఓ స్పెషల్ టాస్క్ ఫోర్స్‌ని ఏర్పాటు చేసి, విచారణ చేపడుతోంది. స్థానిక పోలీస్ అలాగే పాస్‌పోర్ట్ అథారిటీ ఈ విచారణకు సహకరిస్తున్నాయి. ఇలాంటివి భవిష్యత్తులో జరగకుండా కఠిన చర్యలు తీసుకుంటామని రియాద్ గవర్నర్ ప్రిన్స్ మొహమ్మద్ బిన్ అబ్దుల్ రహ్మాన్ బిన్ అబ్దుల్ అజీజ్ చెప్పారు.