భారత ప్రభుత్వం వినియోగదారుల ఆరోగ్యాన్ని కాపాడేందుకు మరో కొత్త యాప్‌ అందుబాటులోకి తీసుక వచ్చింది. ఫుడ్‌ సేఫ్టీ అండ్‌ స్టాండర్డ్‌ అథారిటీ ఆఫ్‌ ఇండియా(ఎఫ్‌ఎస్‌ఎస్‌ఏఐ) ఆహార భద్రత కోసం మొబైల్‌ యాప్‌ ప్రారంభించింది. ప్యాక్‌ చేసిన ఆహారం, ఔట్‌ లెట్లలో తినేందుకు సిద్ధంగా ఉన్న ఆహారాన్ని వినియోగించే ముందు వాటి నాణ్యత, భద్రతకు సంబంధించిన వివరాలను కొత్త యాప్‌ ద్వారా తెలుసుకునే సౌకర్యం కల్పించారు. ఫుడ్‌ సేఫ్టీ చిట్కాలతో పాటు, భద్రతా సంబంధమైన సిఫార్సులు, సమస్యలు తెలిపేందుకు వీలు కల్పించారు.