యూఏఈ: దుబాయ్‌కి చెందిన ఓ ట్రావెల్ ఏజెన్సీ, మలయాళ మెగాస్టార్ మమ్ముట్టి పుట్టినరోజు నేపథ్యంలో అరుదైన కార్యక్రమం చేపట్టింది. మమ్ముట్టి 70వ ఏట అడుగు పెట్టిన నేపథ్యంలో, 70 మంది మమ్ముట్టి అభిమానులకు ఉచిత టూరిస్ట్ వీసాలను జారీ చేయనుంది. ఒక నెల ఫ్రీ ట్రావెల్ ఇన్స్యూరెన్స్ కూడా ఇందులో వుంటుందని స్మార్ట్ ట్రావెల్స్ డైరెక్టర్ అఫి అహ్మద్ వెల్లడించారు. తాను మమ్ముట్టీకి వీరాభిమానిననీ, నలభయ్యేళ్ళుగా ఆయన అభిమానిగా కొనసాగుతున్నానని చెప్పారాయన. ముందుగా రిజిస్టర్ చేసుకున్నవారికి ముందుగా.. అనే ప్రాతిపదికన ఈ ఉచిత వీసాలను అందిస్తారు. సెప్టెంబర్ 8 బుధవారం సాయంత్రం 5 గంటల లోపు దరఖాస్తు చేసుకోవాలి.