రియాద్: దేశంలో అనుమతి పొందిన వ్యాక్సిన్లకు సంబంధించి ఏ రెండు వ్యాక్సిన్లను మిక్సింగ్ చేసినా అది ప్రభావవంతమైనదేననీ, భద్రతతో కూడుకున్నదేననీ సౌదీ హెల్త్ మినిస్ట్రీ స్పష్టం చేసింది. ఇలా వ్యాక్సిన్లను మిక్స్ చేయడం (ఒక డోసు ఓ కంపెనీ వ్యాక్సిన్, మరో డోసు ఇంకో కంపెనీ వ్యాక్సిన్) వల్ల అదనపు ఇమ్యూనిటీ లభిస్తుందని మినిస్ట్రీ వివరించింది. దేశంలో ఆక్స్‌ఫర్డ్ ఆస్ట్రా జెనకా, ఫైజర్ బయో ఎన్ టెక్, జాన్షన్ అండ్ జాన్సన్, మోడెర్నా, సినోవాక్ మరియు సినోఫామ్ వ్యాక్సిన్లకు అనుమతి వుంది. యూకే, జర్మనీ మరియు కెనడా తదితర దేశాలు వ్యాక్సిన్ల మిక్సింగ్‌కి ఇప్పటికే అనుమతులు మంజూరు చేశాయి. ఇదిలా వుంటే, సౌదీ అరేబియా ఇప్పటిదాకా 38 మిలియన్లకు పైగా వ్యాక్సిన్లను అందించడం జరిగింది.