మస్కట్: గురువారం దోఫార్ గవర్నరేట్ అలాగే అరేబియన్ సముద్ర తీర ప్రాంతాల్లో వర్షం కురిసే అవకాశం వుంది. ఒమన్ మిటియరాలజీ ఈ విషయాన్ని వెల్లడించింది. ఆకాశం పాక్షికంగా మేఘావృతమై వుంటుంది. దోఫార్ గవర్నరేట్, సమీపంలోని కొండ ప్రాంతాల్లో ఆకాశం మేఘావృతమై వుంటుందనీ, మిగిలిన ప్రాంతాల్లో ఆకాశం క్లియర్‌గానే వుంటుందని ఒమన్ మిటియరాలజీ పేర్కొంది. అల్ హజార్ మౌంటెయిన్స్ మీదుగా మేఘాలు విస్తరించనున్నాయి. అరేబియన్ సీ మరియు ఒమన్ సీ తీరాల్లోనూ మేఘాలు దర్శనమిస్తాయి.