ఒమ‌న్: ఒమ‌న్ తీర ప్రాంతాల్లో చెదురుమ‌దురు వ‌ర్షం కురిసే అవ‌కాశాలు ఉన్న‌ట్లు వాతావ‌ర‌ణ శాఖ డైరెక్ట‌రేట్ జ‌న‌ర‌ల్ కార్యాల‌యం వెల్ల‌డించింది. సుల్తానేట్లోని ప‌లు గ‌వ‌ర్న‌రేట్ల‌లో ఆకాశం మేఘావృతం అయి ఉంటుంద‌ని తెలిపింది. దోఫ‌ర్‌ గవర్నరేట్ తీరప్రాంతం, ప్రక్కనే ఉన్న పర్వతాలలో ఇప్ప‌టికే అడపాదడపా వర్షాలు కురుస్తుండడంతో వాతావరణం పాక్షికంగా మేఘావృతంగా ఉంటుందని  స్పష్టం చేసింది. ఇక‌ దక్షిణ అల్ షర్కియా, అల్ వుస్టా గవర్నరేట్ల‌లోని కొన్ని ప్రాంతాల్లో ఉరుములు, మెరుపులతో కూడిన వ‌ర్షాలు లేదంటే.. పొగమంచు ఏర్పడే అవకాశాలు ఉన్నాయ‌ని తెలిపింది.