దుబాయ్: ఎక్స్‌పో 2020 దుబాయ్, నెలవారీ టిక్కెట్ విడుదల చేసింది. 95 దిర్హాముల టిక్కెట్ కొనుగోలు చేస్తే, అక్టోబర్ నెల అంతా ఎక్స్‌పో సందర్శించేందుకు వీలు కలుగుతుంది. 192 దేశాల పెవిలియన్లు ఎక్స్‌పో 2020 దుబాయ్ సందర్శకుల్ని అలరించనున్నాయి. ప్రతిరోజూ 60 లైవ్ ఈవెంట్స్ జరుగుతాయి. 200కి పైగా ఫుడ్ మరియు బెవరేజ్ ఔట్‌లెట్స్ ఇక్కడ ఏర్పాటు చేయబడ్డాయి. ఆస్కార్ విజేత మ్యజిక్ డైరెక్టర్ మరియు సాంగ్ రైటర్ ఎఆర్ రెహమాన్ నేతృత్వంలో ఫిర్దౌస్ ఆర్కెస్ట్రా, స్పేస్ వీక్ ఈవెంట్స్, జల్సా నైట్స్ వంటివి అక్టోబర్ నెలలో ప్రధాన ఆకర్షణలు కానున్నాయి.