ఒమన్: ఫైజర్-బయోటెక్ కరోనా వ్యాక్సిన్ బూస్టర్ డోస్ తో 95.6 శాతం కరోనా వైరస్ నుంచి రక్షణ కల్పిస్తుందని ఫైజర్ కంపెనీ వెల్లడించింది. డెల్టా వేరియంట్ ప్రపంచంలో వేగంగా వ్యాప్తి చెందుతున్న సమయంలో ఈ ట్రయల్స్ నిర్వహించినట్టు ఫైజర్-బయోటెక్ తెలిపింది. ‘‘16 సంవత్సరాల కంటే ఎక్కువ వయస్సు ఉన్న 10,000 మంది వ్యక్తులపై క్లినికల్ ట్రయల్ నిర్వహించాం. మూడో డోస్ (బూస్టర్) తీసుకున్న తర్వాత.. వైరస్ సంక్రమణను 95.6 శాతం వరకు ప్రభావవంతంగా అడ్డుకుంది.’’ అని ఫైజర్ కంపెనీ చెప్పిందని.. ఒమన్ టీవీ న్యూస్ ఒక ప్రకటనలో తెలిపింది.