కువైట్: చలికాలం లో వచ్చే సీజనల్ వ్యాధులు, ఫ్లూ జ్వరాల నివారణకు ఇచ్చే వ్యాక్సినేషన్ కు ప్రభుత్వం రిజిస్ట్రేషన్ ప్రక్రియను స్టార్ట్ చేసింది. 30 ఏళ్లకు పైబడిన వారంతా ఈ వ్యాక్సిన్ తీసుకునేందుకు రిజిస్ట్రేషన్ చేసుకోవాలని హెల్త్ మినిస్ట్రీ అధికార ప్రతినిధి డాక్టర్ అబ్దుల్లా అల్ సనద్ సూచించారు. హెల్త్ మినిస్ట్రీ వెబ్ సైట్ లో లింక్ ద్వారా రిజిస్ట్రేషన్ చేసుకోవచ్చని ఆయన చెప్పారు. అదే విధంగా ఈ నెల 30 న మిష్రెఫ్ ఏరియాలోని కువైట్ సెంటర్ లో కరోనా వ్యాక్సిన్ రెండో డోస్ ఇస్తున్నట్లు ప్రకటించారు. గతంలో ఏ కారణం చేతనైనా రెండో డోస్ తీసుకోనివారికి ఇక్కడ వ్యాక్సిన్ అందుబాటులో ఉంటుందన్నారు. కరోనా రిస్క్ ఎక్కువగా ఉన్న గ్రూప్ లకు సంబంధించి మూడో డోస్ కూడా ఇవ్వాలని ఇప్పటికే ప్రభుత్వం నిర్ణయించింది. వింటర్ డిసీస్ క్యాంపెయిన్, వ్యాక్సినేషన్ తో కార్యక్రమంలో భాగంగానే కరోనా మూడో డోస్ ను కూడా ఇస్తామని డాక్టర్ అబ్దుల్లా తెలిపారు.