బహ్రెయిన్: బహ్రెయిన్ ఎయిర్ పోర్ట్ నుంచి విదేశాలకు అక్రమంగా నిషేధిత అంఫెటైమైన్ టాబ్లెట్లు స్మగ్లింగ్ కాకుండా నార్కోటిక్ అధికారులు అడ్డుకున్నారు. దాదాపు 40 వేల టాబ్లెట్లను రెండో పార్సిల్ లో పెట్టి ఎయిర్ పోర్ట్ నుంచి రవాణా చేసేందుకు కొంతమంది ప్రయత్నించారు. పక్కా సమాచారం ఉండటంతో క్రిమినల్ ఇన్వెస్టిగేషన్ అధికారులతో కలిసి నార్కోటిక్ అధికారులు ఈ ప్రయత్నాన్ని అడ్డుకున్నారు. రెండు పార్సిళ్లను స్వాధీనం చేసుకున్నారు. ఈ పార్సిల్ ను బుక్ చేసిన ఇద్దరు వ్యక్తులను నార్కోటిక్ అధికారులు అరెస్ట్ చేశారు. ఈ స్మగ్లింగ్ వెనుక ఉన్న ప్రధాన సూత్రధారుల కోసం విచారణ చేపట్టారు.