ప్రముఖ టెక్ దిగ్గజం హెచ్​సీఎల్​ టెక్నాలజీస్ నిరుద్యోగులకు శుభవార్త చెప్పింది.
కొత్తగా 10వేల మందిని నియమించుకోనున్నట్లు తెలిపింది. ప్రపంచ వ్యాప్తంగా పలు టెక్​ సంస్థలు క్లౌడ్ (Cloud) ​లోకి మారేందుకు సిద్ధమవుతుండగా..హెచ్​సీఎల్ సైతం తన క్లౌడ్​ సేవల కోసం అమెజాన్​ వెబ్​ సర్వీసెస్​ బిజినెస్​ యూనిట్​ (AWS)ను ప్రారంభించింది. ఇప్పటికే, ఏడబ్ల్యూఎస్​ టెక్నాలజీ కోసం దాదాపు 10 వేల మంది సిబ్బందికి​ శిక్షణ ఇచ్చింది. భవిష్యత్తులో ఈ సంఖ్యను 20,000 మందికి పైగా నిపుణులకు పెంచాలని యోచిస్తోంది. తద్వారా, తన ఏడబ్బ్యూఎస్​ సేవల కోసం కొత్తగా మరో 10 వేల మందిని నియమించుకోనుంది. ఈ ప్రత్యేక బిజినెస్ యూనిట్ కోసం ఏడబ్ల్యూఎస్ ఇంజనీరింగ్, సొల్యూషన్స్, బిజినెస్ టీమ్లు సహకరిస్తాయని ఒక ప్రకటనలో తెలిపింది.

కాగా, హెచ్​సీఎల్ ప్రస్తుతం ఎడబ్బ్యూఎస్​ ప్రీమియర్​ కన్సల్టింగ్​ పార్ట్​నర్​ గా పనిచేస్తోంది. ఇది కస్టమర్లకు ఉత్తమ సేవలు అందించేందుకు, ఎండ్​ టు ఎండ్​ రోడ్​ మ్యాప్​ను అందించే సామర్థ్యం కలిగి ఉంటుంది. ఈ ఏడబ్యూఎస్​ సర్వీసులు మౌలిక సదుపాయాలు, అప్లికేషన్లు, డేటాను ఆధునీకరించడంలో ఉపయోగపడుతుంది. అంతేకాదు, వ్యాపారాల్లో భవిష్యత్తు టెక్నాలజీని వినియోగంలో తీసుకొచ్చేందుకు సహకరిస్తుంది. ఏడబ్ల్యూఎస్​ బీయూ అనేది తమ కంపెనీ క్లౌడ్​​ స్మార్ట్​ స్ట్రాటజీలో భాగమని హెచ్​సీఎల్​ టెక్​ చీఫ్​ టెక్నాలజీ ఆఫీసర్​ కల్యాణ్​ కుమార్​ అన్నారు. కస్టమర్లకు బలమైన క్లౌడ్​ వ్యవస్థ నిర్మాణం, ప్రతి కోణంలో సేవలు అందించే దిశగా పనిచేస్తున్నమని తెలిపారు.

ఈ ఏడాది 22 వేల మంది ఫ్రెషర్ల నియామకం..హెచ్​సీఎల్​ ఇప్పటికే క్లౌడ్​ ఆధారిక సేవలు అందిస్తోంది. క్లౌడ్-ఫోకస్డ్ ఎకోసిస్టమ్, ప్రొడక్ట్ ఇన్నోవేషన్ స్ట్రాటజీతో కూడిన గ్లోబల్ సిస్టమ్స్ ఇంటిగ్రేటర్ (GSI), ఇండిపెండెంట్ సాఫ్ట్‌వేర్ వెండర్ (ISV) వంటి సంస్థలకు హెచ్‌సిఎల్ క్లౌడ్​ సేవలు అందిస్తోంది. అయితే, ఇప్పుడు కొత్త నియామకాల ద్వారా ఏడబ్ల్యూఎస్​ సేవలను మరింత విస్తరించనుంది. కాగా, ఏడబ్ల్యూఎస్​ యూనిట్ సేవలను విస్తృతం చేయడం ద్వారా ఆదాయాన్ని పెంచుకోవాలని, వినియోగదారు అనుభవాన్ని మెరుగుపర్చాలని చేయాలని భావిస్తోంది. ప్రస్తుత ఆర్థిక సంవత్సరంలో కనీసం 22,000 మంది ఫ్రెషర్లను  నియమించుకుంటామని హెచ్​సీఎల్​ ఇటీవలే ప్రకటించింది. వీరిలో కేవలం ఏడబ్ల్యూఎస్​ కోసమే 10 వేల మందిని నియమించుకోనుంది.