కువైట్: హెల్త్ మినిస్ట్రీ డిజిటల్ వ్యవస్థకు మారింది. ఈ మేరకు శనివారం ప్రకటించింది. పబ్లిక్, ప్రైవేట్ సెక్టర్ల లోని వాక్సినేషన్ తోపాటు అన్ని సర్వీసులు ఇకపై ఎలక్ట్రానిక్ సిస్టమ్ ద్వారానే జరుగుతాయని వెల్లడించింది. పబ్లిక్ హెల్త్ డిపార్ట్‌మెంట్ డైరెక్టర్ డాక్టర్ ఫహద్ అల్-ఘమ్లాస్ మాట్లాడుతూ.. వ్యాక్సిన్ సర్వీసుల మానిటరింగ్, డాక్యుమెంట్ చేయడాన్ని డిజిటల్ సిస్టమ్‌ను ఉపయోగించి డెవలప్ చేశామన్నారు. దీన్ని 'ఇమ్యూన్' అప్లికేషన్‌తో లింకింగ్ చేయడంతో సంబంధిత వర్గాలకు ఈ ఇన్ఫర్మేషన్ మరింత మెరుగ్గా అందుబాటులోకి వస్తుందన్నారు. డిజిటలీకరణతో విజిటర్స్ కు మినిస్ట్రీ అందించే సేవలు మరింత సులభంగా అందుతాయని అల్-ఘమ్లాస్ తెలిపారు.