కువైట్:‘నో పార్కింగ్’ వయోలేషన్స్ కు పాల్పడే వాహనాలను గుర్తించేందుకు కొత్త టెక్నాలజీలతో కూడిన కొత్త  స్మార్ట్ వెహికల్స్ ను కొనాలని జనరల్ ట్రాఫిక్ డిపార్టుమెంట్ భావిస్తుంది. రెండేళ్ల క్రితం ప్రయోగాత్మకంగా లేటెస్ట్ టెక్నాలజీ కెమెరాలు అమర్చిన కార్లను ట్రాఫిక్ డిపార్టుమెంట్ ఉపయోగించింది.వీటి ద్వారా ప్రభుత్వ ఏజెన్సీ సెంటర్స్, కమర్షియల్ ప్లేసులు,  మార్కెట్‌ల ముందు వాహనాల రాకపోకలకు అంతరాయం కలిగించేలా, నిషేధిత ప్రదేశాల్లో నిలిపి ఉంచే వాహనాలను ప్రయోగాత్మకంగా గుర్తించే ట్రయల్స్ చేశారు. ఈ స్మార్ట్ వాహనాలు రోడ్లపై తిరుగుతూ వీడియో రికార్డింగ్ చేస్తూ.. ట్రాఫిక్ నిబంధనలు ఉల్లంఘించే వాహనాలను గుర్తించి, వీడియో తీస్తాయి.ఆ తర్వాత ఆ వీడియో ఆధారంగా వాహన ఓనర్లకు నోటీసులు జారీ చేస్తారు. ట్రాఫిక్ అధికారులు మాన్యువల్‌గా నోటీసులు జారీ చేయవలసిన అవసరాన్ని ఇది నివారిస్తుంది. అప్పట్లో ఆ ప్రయోగం సక్సెస్ అయింది. ఈ నేపథ్యంలో ఈ వాహనాలను కొనేందుకు డిపార్టుమెంట్ సిద్ధమవుతుంది.