యూఏఈ: గల్ఫ్ దేశాల పర్యటనలో భాగంగా సౌదీ ప్రిన్స్ మహ్మద్ బిన్ సల్మాన్ రెండు రోజుల పర్యటన నిమిత్తం యూఏఈ చేరుకున్నారు. సౌదీ ప్రిన్స్, డిఫెన్స్ మినిస్టర్ ప్రిన్స్ మహ్మద్ బిన్ సల్మాన్ బిన్ అబ్దుల్ అజీజ్ అల్ సౌద్ వెంట అతని ప్రతినిధి బృందం కూడా ఉంది. తన రెండు రోజుల పర్యటనలో  ద్వైపాక్షిక అంశాలపై ఆయన యూఏఈ మంత్రులు, అధికారులతో చర్చించనున్నారు. అబుదాబిలోని ప్రెసిడెన్షియల్ ఎయిర్‌పోర్టుకు చేరుకున్న సౌదీ ప్రిన్స్ మహ్మద్ బిన్ సల్మాన్ కు అబుదాబి  ప్రిన్స్, యూఏఈ ఆర్మ్డ్ ఫోర్సెస్ డిప్యూటీ సుప్రీం కమాండర్ షేక్ మొహమ్మద్ బిన్ జాయెద్ అల్ నహ్యాన్ స్వాగతం పలికారు.