సౌదీ  అరేబియా: సౌదీ అరేబియాలో మనీలాండరింగ్‌కు పాల్పడినట్లు ఆరోపణలు ఎదుర్కొంటున్న విదేశీయులపై విచారణ మెకానిజాన్ని పబ్లిక్ ప్రాసిక్యూషన్ స్పష్టం చేసింది. మనీలాండరింగ్ నిరోధక యూనిట్ యాక్టింగ్ సభ్యుడు అబ్దుల్లా అల్-జహ్రానీ మాట్లాడుతూ.. మనీలాండరింగ్ నేరంతో ఆరోపణలు ఎదుర్కొని సౌదీని విడిచివెళ్లిన వారిని వదిలే ప్రసక్తే లేదన్నారు. అలాంటి వారిని అప్పగించాలని ఆయా దేశాలకు అంతర్జాతీయ వ్యవస్థల ద్వారా నోటీసులు పంపిస్తామన్నారు. నిందితులను తిరిగి సౌదీ అరేబియాకు రప్పించి విచారణ జరిగేలా చర్యలు తీసుకుంటామన్నారు. ప్రత్యేక న్యాయస్థానాలలో మనీలాండరింగ్‌కు పాల్పడిన వారిపై విచారణ జరుపుతామని ఆయన స్పష్టం చేశారు.