రియాద్: డాకర్ ర్యాలీ సందర్భంగా జరిగిన ఓ ప్రమాదం విషయమై సౌదీ అరేబియా, ఫ్రాన్స్ సంయుక్తంగా విచారణాంశాల్ని పరిశీలిస్తున్నాయి. ఈ విషయాన్ని సౌదీ ఫారిన్ మినిస్ట్రీ వెల్లడించింది. ప్రాథమిక సమాచారాన్ని బట్టి ఈ ఘటనలో అనుమానించదగిన నేరపూరిత కోణమేదీ కనిపించలేదని సంబంధిత వర్గాలు పేర్కొన్నాయి. ఈ ఘటనలో ఫ్రెంచ్ పోటీదారుడు గాయపడిన సంగతి తెలిసిందే. డాకర్ రాలీ సందర్భంగా కట్టుదిట్టమైన భద్రతా ఏర్పాట్లు చేయడం జరిగిందనీ, గాయపడ్డ పోటీదారుడు త్వరగా కోలుకోవాలని ఆకాంక్షిస్తున్నామని మినిస్ట్రీ పేర్కొంది.