బహ్రెయిన్‌, వలసదారులు నివసించడానికి అత్యంత అనువైన దేశాల్లో ఒకటిగా ఘనతను దక్కించుకుంది. ఇక్కడ నివసించేందుకు తక్కువ ఖర్చు సరిపోతుందని ఆ సర్వే స్పష్టం చేసింది. ప్రపంచ వ్యాప్తంగా 14000 మంది వలస కార్మికులతో ఈ సర్వేని నిర్వహించారు. బహ్రెయిన్‌ టాప్‌ 30లో చోటు సంపాదించుకుంది. బహ్రెయిన్‌ స్థానం 23. సౌదీ అరేబియా, యూఏఈ, ఖతార్‌ మరియు కువైట్‌ తదితర దేశాలు టాప్‌ 50లో నిలిచాయి. సౌదీ అరేబియా 9, ఒమన్‌ 18, బహ్రెయిన్‌ 23, యూఏఈ 37, కువైట్‌ 45, ఖతార్‌ 46 స్థానాల్ని సంపాదించుకున్నాయి. ఈక్వెడార్‌ చీపెస్ట్‌ కంట్రీగా లిస్ట్‌లో చోటు దక్కించుకుంది. సెంట్రల్‌ యూరోపియన్‌ దేశాలైన పోలాండ్‌, జెక్‌ రిపబ్లిక్‌ రెండు, మూడు స్థానాల్లో నిలిచాయి. 2015 సర్వేలో వలసదారులకు చీపెస్ట్‌ దేశాలుగా ఈక్వెడార్‌, మెక్సికో, మాల్టా, సింగపూర్‌, లగ్జెంబర్గ్‌, న్యూజిలాండ్‌, థాయిలాండ్‌, పనామా, కెనడా, ఆస్ట్రేలియా చోటు దక్కించుకున్నాయి.