సౌదీ: ప్రైమరీ, కిండర్ గార్డెన్ స్కూళ్ల ను పునఃప్రారంభిస్తున్నట్లు సౌదీ విద్యా మంత్రిత్వ, ఆరోగ్య మంత్రిత్వ శాఖ ఆదివారం ప్రకటించింది. జనవరి 23 నుండి 12 సంవత్సరాల కంటే తక్కువ వయస్సు ఉన్న వారికి వ్యక్తిగత హాజరు తప్పనిసరి చేసింది. ఈ మేరకు చర్యలు తీసుకోవాలని అన్ని ప్రభుత్వ, ప్రైవేట్, ఇంటర్నేషనల్ అండ్ ఫారిన్ స్కూళ్లకు ఆదేశాలు జారీ చేసింది. అయితే ఆరోగ్య సమస్యలు ఉన్న వారికి వ్యక్తిగత హాజరు నుండి మినహాయింపు ఇచ్చారు. అలాంటి స్టూడెంట్స్ రిమోట్ లెర్నింగ్ ద్వారా హాజరు కావాలని సూచించింది.