బహ్రెయిన్‌లోని ఇండియన్‌ లేడీస్‌ అసోసియేషన్‌ (ఐఎల్‌ఎ) డైమండ్‌ జూబ్లీ సెలబ్రేషన్స్‌లో భాగంగా 'లెర్న్‌ ఇంగ్లీష్‌' అనే కార్యక్రమాన్ని భారతీయ వలస కార్మికుల కోసం ప్రారంభించనుంది. ఏప్రిల్‌లో ప్రారంభం కానున్న ఈ క్లాసులు రెండు నెలలపాటు సాగుతాయి. వారానికి రెండు సెషన్స్‌ వుంటాయి. స్పోకెన్‌ ఇంగ్లీష్‌కి సంబంధించిన పాఠాలు ఇందులో చెబుతారు. అలాగే పర్సనాలిటీ డెవలప్‌మెంట్‌పైనా క్లాసులు నిర్వహిస్తారు. గడచిన 15 ఏళ్ళుగా ఈ కార్యక్రమానికి వస్తున్న రెస్పాన్స్‌తో ప్రతియేడూ ఇంకా మెరుగైన రీతిలో ఈ ప్రోగ్రామ్‌ నిర్వహిస్తున్నట్లు నిర్వాహకులు తెలిపారు. తమ పిల్లలకు సంబంధించి స్కూల్‌ యాజమాన్యాలతో మాట్లాడేందుకు మహిళలు ఎక్కువగా ఇబ్బంది పడుతున్నారనీ, వారికి ఈ కోర్స్‌ బాగా ఉపయోగపడ్తుందనీ, అలాగే వివిధ రంగాల్లో పనిచేస్తున్న కార్మికులకూ స్పోకెన్‌ ఇంగ్లీష్‌ అత్యవసరమన్నారు నిర్వాహకులు. ఆసక్తి ఉన్నవారు 17 740431 నెంబర్‌కు తమ అప్లికేషన్‌ని ఫ్యాక్స్‌ చేయవచ్చు. కంపెనీలు కూడా తమ కార్మికులకు స్పోకెన్‌ ఇంగ్లీషు క్లాసులు ఇప్పించాలంటే కోఆర్డినేటర్స్‌ని సంప్రదించవచ్చనీ, 39072883 నంబర్‌లో జనరల్‌ సెక్రెటరీని సంప్రదించవచ్చని తెలిపారు.