సౌదీ: సినిమా రంగాన్ని ప్రోత్సహించేందుకు ఫైనాన్స్ ప్రోగ్రామ్‌ను సౌదీ అరేబియా ప్రకటించింది. SR879 మిలియన్ల బడ్జెట్‌తో “ఫిల్మ్ సెక్టార్ ఫైనాన్సింగ్ ప్రోగ్రామ్”తో కల్చరల్ డెవలప్‌మెంట్ ఫండ్ (CDF) కింద ఏర్పాటు చేశారు. సౌదీలో చలనచిత్ర రంగ మౌలిక సదుపాయాలను మెరుగుపరచడమే లక్ష్యంగా ఈ ప్రోగ్రామ్ ను ప్రారంభించారు. ఫైనాన్సింగ్ ప్యాకేజీలు, ప్రొడక్షన్- డిస్ట్రిబ్యూషన్ కంపెనీలతో పాటు చలనచిత్ర పరిశ్రమలో పనిచేస్తున్న అన్ని ప్రైవేట్ రంగ సంస్థల్లో పోటీతత్వాన్ని పెంచే లక్ష్యంతో దీన్ని ఏర్పాటు చేశారు. బడ్జెట్‌ను రెండు భాగాలుగా విభజించారు. 70% కంటెంట్‌ను అభివృద్ధి, ఉత్పత్తి చేయడానికి కేటాయించారు. పంపిణీ, మౌలిక సదుపాయాలను అభివృద్ధి చేయడానికి 30% కేటాయించారు. 2022 తర్వాత నిధుల దరఖాస్తు ప్రక్రియను ప్రారంభించనున్నట్లు మంత్రిత్వ శాఖ తెలిపింది.