బహ్రెయిన్: కోర్టు ఆదేశాల మేరకు గలాలీ ప్రాంతంలోని అక్రమ నిర్మాణాలను కూల్చివేతను  ముహరక్ మున్సిపాలిటీ ప్రారంభించింది. రెండు అంతస్తులు, కార్ పార్కింగ్ లు, అనుమతి లేని నిర్మాణాలు కూల్చివేసిన వాటిల్లో ఉన్నాయి. భవన నిర్మాణ చట్టాలను ఉల్లంఘించి ఓ వ్యక్తి  అపార్ట్ మెంట్ కాంప్లెక్స్ కట్టాడు. అందులో అనుమతి లేకుండానే ఇతర సౌకర్యాలను ఏర్పాటు చేశాడు. ఇది గుర్తించిన మునిసిపాలిటీ పలు నోటీసులు జారీ చేసింది. BD1000 జరిమానా కూడా విధించింది. అయినా సదరు వ్యక్తి వాటిని ఖాతరు చేయకుండా అప్పీల్ కోర్టుకు వెళ్లగా.. విచారించిన కోర్టు అతని పిటిషన్ ను కొట్టివేసింది. దీంతో మునిసిపాలిటీ సిబ్బంది ఆక్రమణలను కూల్చివేసింది. అంతకుముందు అందులో నివాసం ఉన్న అద్దెదారులందరికీ నోటీసులు అందించి ఖాళీ చేయించింది. 17984027 లేదా సోషల్ మీడియా ఖాతాల ద్వారా లేదా 80008001 తవాసుల్ ద్వారా ఉల్లంఘనలను తెలపాలని మున్సిపాలిటీ ప్రజలను కోరింది.