యూఏఈ: యూఏఈలో భిక్షాటన చేసేవారి పై  కఠిన చర్యలకు ఉపక్రమించింది.ఇక పై ఎవరైనా భిక్షాటన చేస్తూ కనిపిస్తే మూడు నెలల జైలుతో పాటు 5వేల దిర్హమ్స్ జరిమానా ఉంటుందని యూఏఈ పబ్లిక్ ప్రాసిక్యూషన్ హెచ్చరించింది.ఈ మేరకు అధికారిక సోషల్ మీడియా ఛానెల్స్ ద్వారా కీలక ప్రకటన చేసింది.భిక్షాటనకు జరిమానా పై అవగాహన కల్పించడం కోసం ఫెడరల్ డిక్రీ-లా నం.31 ఆఫ్ 2021లోని ఆర్టికల్ 475లో నేరాలు, జరిమానాల చట్టానికి సంబంధించి పబ్లిక్ ప్రాసిక్యూషన్ ఫిబ్రవరి 11న తన అధికారిక సోషల్ మీడియా ఛానెల్‌లలో వివరాలను పోస్ట్ చేసింది. “ఏదైనా రూపంలో లేదా పద్ధతిలో భౌతిక లేదా సాధకమైన ప్రయోజనాన్ని పొందేందుకు యాచిస్తూ పట్టుబడితే మూడు నెలల వరకు జైలు శిక్ష విధించబడుతుంది.5,000 దిర్హమ్స్‌కు తక్కువ కాకుండా జరిమానా విధించబడుతుంది.” అని పబ్లిక్ ప్రాసిక్యూషన్ తన పోస్టులో పేర్కొంది.