ఒమన్: మహిళలు, కుటుంబాలకు ప్రత్యేకంగా ట్రాన్స్ పోర్ట్ సౌకర్యాన్ని అందించడం కోసం ఏడాదిలోపు 200 మంది మహిళా ట్యాక్సీలను ఏర్పాటు చేయాలని ఒమన్ లక్ష్యంగా పెట్టుకుంది. టాక్సీక్యాబ్ సర్వీస్ Otaxi  లో ప్రస్తుతం 20 మహిళలు మాత్రమే క్యాబ్‌లను నడుపుతున్నారు. ఈ ఏడాది జనవరిలో ప్రత్యేక మహిళ క్యాబ్ సర్వీస్‌లను ఆపరేట్ చేయడానికి ప్రభుత్వం గ్రీన్ సిగ్నల్ ఇచ్చిన విషయం తెలిసిందే. ఈ మహిళ టాక్సీలను మస్కట్‌లో ప్రయోగాత్మకంగా ప్రారంభించారు. రాబోయే మూడు నెలల్లో 50 మహిళ టాక్సీలు నడుపుతామని, ఏడాదిలో  200 మంది మహిళా డ్రైవర్లను నియమించుకుంటామని Otaxi  సీఈఓ  హరిత్ అల్ మెక్బాలీ చెప్పారు. ప్రస్తుతం తమ సేవలు మస్కట్‌కు మాత్రమే పరిమితమని, త్వరలోనే ఇతర గవర్నరేట్‌లకు విస్తరిస్తామని ఆయన తెలిపారు. మహిళలు నడిపే టాక్సీలకు కొన్ని అదనపు భద్రతా ప్రమాణాలను ఏర్పాటు చేశామని, వారు ప్రయాణించే మార్గాలను ట్రాక్ చేయడం జరుగుతుందన్నారు.