అల్ మక్తౌమ్ అంతర్జాతీయ విమానాశ్రయాన్ని మే నెలలో పునఃప్రారంభించనున్నారు. కోవిడ్ ప్రారంభమయ్యాక తొలిసారిగా దీన్ని ప్రారంభించబోతున్నారు. దుబాయ్ ఎయిర్ పోర్ట్స్ సీఈవో పాల్ గ్రిఫిత్స్ మాట్లాడుతూ, మెయిన్ హబ్‌కి సంబంధించి రెండు రన్ వేలపై నిర్వహణ పనుల నిమిత్తం 45 రోజులపాటు దుబాయ్ ఇంటర్నేషనల్ నుంచి నడిచే విమానాల్ని ఈ కొత్త విమానాశ్రయం ద్వారా నడుపుతారు. గత ఏడాది డిసెంబర్ నుంచి దుబాయ్ అంతర్జాతీయ విమానాశ్రయం పూర్తి సామర్థ్యంతో ప్రయాణీకులకు సేవలు అందిస్తోంది. ప్రపంచంలోనే అత్యంత రద్దీగా వుండే విమానాశ్రయంగా దుబాయ్ అంతర్జాతీయ విమానాశ్రయం సేవలందిస్తున్న సంగతి తెలిసిందే.