కువైట్: ఆదివారం నుండి అన్ని ప్రభుత్వ ఏజెన్సీలలో 100 శాతం హాజరుతో సిబ్బంది హాజరు కావాలని సివిల్ సర్వీస్ బ్యూరో ప్రకటించింది. కరోనా అదుపులోకి రావడంతో మినహాయింపులను రద్దు చేసినట్లు తెలిపింది. ఉద్యోగి హాజరు కాకపోతే సెలవుగా పరిగణిస్తామని పేర్కొంది. ఇప్పటివరకు ఉద్యోగులకు కల్పించిన ఫ్లెక్సిబుల్ వర్కింగ్ సిస్టమ్, రొటేషన్ సిస్టమ్‌ను రద్దు చేసినట్లు స్పష్టం చేసింది. అధికారిక అన్ని కార్యాలయాలు 100 శాతం వర్క్ ఫోర్స్ తో పనిచేయాలని తన ఉత్తర్వుల్లో సివిల్ సర్వీస్ విభాగం పేర్కొంది. ఉద్యోగులకు బయోమెట్రిక్ హాజరును సైతం తిరిగి ప్రారంభించనున్నారు.