మంచు విష్ణు, సోనారిక, రాజ్‌తరుణ్‌, హెబాపటేల్‌ హీరో హీరోయిన్లుగా జి.నాగేశ్వరరెడ్డి దర్శకత్వం వహిస్తున్న చిత్రం 'ఈడోరకం ఆడోరకం'. ఎ.కె.ఎంటర్‌టైన్‌మెంట్స్‌ పతాకంపై రామబ్రహ్మం సుంకర నిర్మిస్తున్నారు. ప్రస్తుతం నిర్మాణానంతర కార్యక్రమాలు జరుగుతున్నాయి. నిర్మాత మాట్లాడుతూ ''పూర్తిస్థాయి వినోదాత్మకంగా సాగే చిత్రమిది. సాయికార్తీక్‌ సంగీత సారథ్యంలో ఇటీవల విడుదలైన పాటలకు స్పందన బావుంది. కనఫ్యూజింగ్‌ కామెడీతో దర్శకుడు చక్కగా తెరకెక్కించారు. ఈ నెల 14న సినిమాను విడుదల చేయడానికి సన్నాహాలు చేస్తున్నాం'' అని తెలిపారు.