విజయ్‌ కథానాయకుడిగా అట్లీ దర్శకత్వంలో రూపొందుతున్న 'తెరి' చిత్రానికి తెలుగులో 'పోలీసోడు' టైటిల్‌ ఖరారు చేసిన సంగతి తెలిసిందే. సమంత, అమీజాక్సన్ నాయికలు. 'దిల్‌' రాజు, కలైపులి ఎస్‌.థాను సంయుక్తంగా ఈ సినిమాని తెలుగు ప్రేక్షకుల ముందుకు తీసుకొస్తున్నారు. ఈ సందర్భంగా 'దిల్‌' రాజు మాట్లాడుతూ ''రాజారాణి సూపర్‌హిట్‌ సినిమా తర్వాత అట్లీ దర్శకత్వంలో అత్యున్నత సాంకేతిక విలువలతో వస్తున్న చిత్రమిది. కథానుగుణంగా 'పోలీసోడు' టైటిల్‌ కరెక్ట్‌గా యాప్ట్‌ అవుతుంది. ప్రస్తుతం నిర్మాణానంతర కార్యక్రమాలు జరుగుతున్నాయి. త్వరలో పాటల్ని విడుదల చేసి, ఈ నెల మూడోవారంలో సినిమాను ప్రేక్షకుల ముందుకి తీసుకొస్తాం'' అని అన్నారు.ప్రభు, రాధిక, మహేంద్రన్ తదితరులు కీలక పాత్రలు పోషిస్తున్న ఈ చిత్రానికి కెమెరా: జాన్.సి.విలియమ్స్‌, సంగీతం: జీవీ ప్రకాశ్ కుమార్‌.