మహారాష్ట్రలోని పుణె విమానాశ్రయంలో దుబాయ్‌కు వెళుతున్న రవూఫ్‌ అహ్మద్‌ అనే ఇస్లామిక్‌స్టేట్‌ ఉగ్రవాదిని పోలీసులు అరెస్టుచేశారు. దుబాయ్‌ చేరుకొని అక్కడ నుంచి సిరియా వెళ్లేందుకు అతను వ్యూహం సిద్ధం చేసుకున్నట్టు తెలిసింది. రవూఫ్‌ స్వస్థలం కర్ణాటకలోని భత్కళ్‌ అని సమాచారం. ఐఎస్‌లో చేరేందుకు వెళుతున్న ఉగ్రవాదుల సంఖ్య పెరిగిపోవడంపై భద్రతాసంస్థలు ఆందోళన వ్యక్తంచేస్తున్నాయి. ఇప్పటికే 14 మంది యువకులను జాతీయ దర్యాప్తు సంస్థ అదుపులోకి తీసుకున్న విషయం తెలిసిందే.