బహ్రెయిన్: జెట్ స్కీలను పగటిపూట మాత్రమే నడపాలని రవాణా మరియు కమ్యూనికేషన్ల మంత్రిత్వ శాఖ స్పష్టం చేసింది. ఎత్తైన కెరటాల మీదుగా అధిక వేగంతో గ్లైడింగ్ చేసే సమయంలో తగిన జాగ్రత్తలు తీసుకోవాలని సూచించింది 16 సంవత్సరాలు నిండిన వారినే అనుమతించాలని సూచించింది. రాత్రిపూట జెట్ స్కీయింగ్ చేయడం ప్రమాదకరమని పేర్కొంది. అలాగే జెట్ స్కిస్ ఉపయోగించి రేసింగ్ లేదా ప్రమాదకరమైన విన్యాసాలు చేయకూడదని హెచ్చరించింది. జెట్ స్కీయింగ్‌ను మరింత ఆహ్లాదకరంగా మార్చేందుకు తాజా నిర్ణయం తీసుకొన్నట్లు మంత్రిత్వ శాఖ తెలిపింది.