రియాద్: వాహనం రిజిస్ట్రేషన్‌ను సకాలంలో పునరుద్ధరించకపోతే SR100 జరిమానా విధిస్తామని జనరల్ డైరెక్టరేట్ ఆఫ్ ట్రాఫిక్ (మురూర్) వెల్లడించింది. వాహనం యొక్క రిజిస్ట్రేషన్ గడువు ముగిసినప్పటి నుండి 60 రోజులు గడిచినా పునరుద్ధరించని వాహనంపై ప్రతి సంవత్సరానికి SR100 జరిమానా విధించబడుతుందని మురూర్ స్పష్టం చేసింది. వాహనం రిజిస్ట్రేషన్ పునరుద్ధరణ రుసుము SR100 కాగా, వాహన రకాన్ని బట్టి రుసుము పెరుగుతుందన్నారు. బస్సులకు SR400కి ఉందన్నారు. వాహనదారుడు తన వాహనం నంబర్‌ ప్లేట్‌ పోగొట్టుకున్నప్పుడు అనుసరించాల్సిన విధానాలను మురూర్‌ ఇంతకు ముందే వెల్లడించింది. కారు యజమాని తన నష్టాన్ని తక్షణమే క్రిమినల్ రికార్డ్స్ విభాగానికి నివేదించాలని పేర్కొంది. నష్టాన్ని నివేదించిన తర్వాత  డూప్లికేట్ నంబర్ ప్లేట్ పొందేందుకు అవసరమైన రుసుము చెల్లించాలి. ఆపై వాహన యజమాని దరఖాస్తును సమీప ట్రాఫిక్ పోలీసుల కార్యాలయాలలో అందజేయాలి. సౌదీయేతర వాహనాల రిజిస్ట్రేషన్ ప్లేట్ల ఉల్లంఘనలను ఆటోమేటిక్ మానిటరింగ్ సిస్టమ్ గుర్తిస్తుందని మురూర్ వెల్లడించింది.