యూఏఈ: పలువురు వినియోగదారులు డెలివరూ సంస్థ నుంచి ఏర్పడ్డ డెలివరీ సమస్యల పట్ల సోషల్ మీడియా వేదికగా అసహనం వ్యక్తం చేస్తున్నారు. సదరు సంస్థ తమ డ్రైవర్లకు చెల్లింపుల విషయమై కోతలు విధించడంతో చాలామంది డ్రైవర్లు అభ్యంతరం వ్యక్తం చేస్తూ విధుల్ని బహిష్కరిస్తున్నారు. తమ రైడర్లతో సమస్య ఎదుర్కొంటున్నామనీ, ఈ కారణంగా డెలివరీలో ఇబ్బందులు తలెత్తుతున్నాయనీ డెలివరూ సంస్థ స్పష్టతనిచ్చింది. పరిస్థితిని చక్కదిద్దేందుకు ప్రయత్నిస్తున్నామనీ, సమస్య పట్ల చింతిస్తున్నామని ఆ సంస్థ వివరించింది.