యూఏఈ: విదేశాల్లో పాస్‌పోర్ట్ పోగొట్టుకున్న సందర్భంలో యూఏఈ జారీ చేసిన ఇంటర్నేషనల్ డ్రైవింగ్ పర్మిట్ (ఐడీపీ)ని గుర్తింపు కార్డుగా ఉపయోగించవచ్చని యూఏఈ డిజిటల్ ప్రభుత్వం తెలిపింది. అయితే యూఏఈ పౌరులు, నివాసితులు అంతర్జాతీయ డ్రైవింగ్ పర్మిట్ లేకుండా విదేశాలలో వాహనం నడపడం అనుమతించబడదని యూఏఈ డిజిటల్ ప్రభుత్వం స్పష్టం చేసింది. డిజిటల్ ప్రభుత్వం ప్రకారం..యూఏఈలో ఐడీపీని పొందేందుకు ఐదు పత్రాలు అవసరం. అవి ఎమిరేట్స్ ఐడీ, పాస్పోర్ట్, చెల్లుబాటు అయ్యే రెసిడెన్సీ వీసా, యూఏఈ జారీ చేసిన చెల్లుబాటు అయ్యే డ్రైవింగ్ లైసెన్స్ కాపీ,  రెండు వ్యక్తిగత ఫోటోలు అవసరం. ఐడీపీ ఒక సంవత్సరం పాటు చెల్లుబాటు అవుతుందని, తిరిగి పునరుద్ధరించవచ్చని అధికారులు తెలిపారు. ఎమిరేట్స్ ఆటోమొబైల్, టూరిజం క్లబ్ పోర్టల్ ద్వారా ఉచిత డెలివరీతో లేదా అబుదాబి, దుబాయ్, అల్ ఐన్, షార్జా, రస్ అల్ ఖైమా, అజ్మాన్, ఫుజైరా, ఉమ్ అల్ క్వైన్, వెస్ట్రన్ రీజియన్‌లోని క్లబ్ బ్రాంచ్‌ల ద్వారా ఎలక్ట్రానిక్‌గా ఐట్యూన్స్, గూగుల్ ప్లే లో మినిస్ట్రీ ఆఫ్ ఇంటీరియర్ యాప్ (MOI UAE), దుబాయ్‌లోని రోడ్స్ అండ్ ట్రాన్స్‌పోర్ట్ అథారిటీ (RTA) కార్యాలయాల నుండి, ఎమిరేట్స్ పోస్టాఫీసుల నుండి లేదా షేక్ జాయెద్ రోడ్‌లోని డీనాటా కార్యాలయం నుండి ఇంటర్నేషనల్ డ్రైవింగ్ పర్మిట్ (ఐడీపీ)పి పొందవచ్చు.