దోహా: యునైటెడ్ అరబ్ ఎమిరేట్స్ అధ్యక్షుడిగా షేక్ మొహమ్మద్ బిన్ జాయెద్ అల్ నహ్యాన్‌ ఎన్నికైన సందర్భంగా అమీర్ షేక్ తమీమ్ బిన్ హమద్ అల్ థానీ అభినందనలు తెలిపారు. ఈమేరకు ఓ సందేశాన్ని ఆయనకు పంపారు. షేక్ మొహమ్మద్ హయాంలో ఎమిరాటీ ప్రజలు మరింత పురోగతి, అభివృద్ధి చెందాలని తన సందేశంలో ఆకాంక్షించారు. అలాగే డిప్యూటీ అమీర్ షేక్ అబ్దుల్లా బిన్ హమద్ అల్ థానీ కూడా షేక్ మొహమ్మద్ బిన్ జాయెద్ అల్ నహ్యాన్‌కు అభినందనలు తెలుపుతూ సందేశాన్ని పంపారు.