పవన్ కళ్యాణ్ ఎప్పుడు ఏ గెటప్‌తో కనిపిస్తారో కాస్త గెస్ చేయడం కష్టమేనేమో.. ఆ మధ్య కొన్నాళ్ళు గుబురు గడ్డంతో కనిపించిన పవన్, సర్ధార్ గబ్బర్ సింగ్ చిత్రంలోని పాత్ర కోసం అలా మారాడా అంటూ వార్తలు వచ్చాయి. ఈ గడ్డంపైన చాలా చర్చలు కూడా నడిచాయి. కాని ఆ తర్వాత కొద్ది రోజులకు పవన్ నార్మల్ గెటప్‌లోకి మారి అందరిని ఆశ్చర్యపరిచారు.పవన్ సర్ధార్ గబ్బర్ సింగ్ షూటింగ్‌లో ఉన్నంత కాలం నార్మల్ గెటప్‌తోనే కనిపించారు. ఈ చిత్రం రేపు విడుదల కానుండగా, చిత్ర ప్రమోషన్స్ స్పీడ్ అందుకున్నాయి. బాబి, కాజల్ ప్రమోషన్స్‌లో చాలా యాక్టివ్‌గా పార్టిసిపేట్ చేస్తున్నట్టు తెలుస్తుంది. పవన్ మాత్రం కేవలం బాలీవుడ్‌కు మాత్రమే ఇంటర్యూలు ఇస్తున్నట్టు వినికిడి.
తాజాగా బాలీవుడ్ ఫిల్మ్ క్రిటిక్ రాజీవ్ మసంద్ పవన్‌ని ఇంటర్వ్యూ చేయగా, వారితో దిగిన ఫోటోలు కొన్ని బయటకు వచ్చాయి. ఇందులో పవన్ గడ్డం లేకుండా సాఫ్ట్ లుక్‌లో కనిపించారు. ఈ లుక్ చూసిన ఫ్యాన్స్ త్వరలో తెరకెక్కనున్న చిత్రం కోసమే ఇలా మారాడా అంటూ చర్చించుకుంటున్నారు.