బహ్రెయిన్‌: కువైట్ ఆధారిత వ్యక్తిగత ఫైనాన్స్ అప్లికేషన్ స్పేర్.. సెంట్రల్ బ్యాంక్ ఆఫ్ బహ్రెయిన్ నుండి ఓపెన్ బ్యాంకింగ్ లైసెన్స్ పొందింది. కింగ్‌డమ్ ఆఫ్ బహ్రెయిన్‌లో ఓపెన్ బ్యాంకింగ్ అనుబంధ సర్వీస్ ప్రొవైడర్‌గా పనిచేయడానికి స్పేర్‌ కు ఈ లైసెన్స్ అనుమతిస్తుంది. 2022 రెండవ త్రైమాసికంలో దేశంలో తన కార్యకలాపాలను ప్రారంభించాలని స్పేర్ యోచిస్తోంది. స్పేర్ అప్లికేషన్ బహ్రెయిన్‌లోని అన్ని ప్రధాన బ్యాంకులతో అనుసంధానించబడుతుంది. వినియోగదారులను మల్టీ బ్యాంక్ ఖాతాలకు కనెక్ట్ చేయడానికి, బ్యాలెన్స్‌లను ట్రాక్ చేయడానికి, ఖర్చులను పర్యవేక్షించడానికి, బడ్జెట్‌లను సెట్ చేయడానికి, చెల్లింపులు చేయడానికి సహాయంగా ఉంటుంది. దీనితో బహ్రెయిన్‌లోని కస్టమర్లకు వేగవంతమైన, చౌకైన, మరింత సురక్షితమైన చెల్లింపు పరిష్కారాలను అందిస్తుంది. వీటితో పాటుగా QR కోడ్‌లను ఉపయోగించి చెల్లింపులు చేయవచ్చు.